برای اطلاعات بیشتر برروی عکس  رایت عبادی منامن کلیک کنید
["]
  " وطن "

گویول گوشی اوچوب گونوب ، گوزه ل بوداغووه  وطن

خئیر دعاسی ایستیور ، باخور دوداقووه  وطن

گلنلره محبّت ایت ، وفا یئتور گئدنلره

فدا اولوم بوتون گوزه ل ، گلن قوناقووه  وطن

او قدری مهربانیسن ، آنا دئیوبدیلر سنه

گویول گل آلچاق ایله قوی ، دوشوم ایاقووه  وطن

اوشاقووم نه عیبی وار ، منه آجیخلانا آنام

فدا اولوم آجیخلارا ، او قاش قباقووه  وطن

صفالی دامه نون وئرر ، منه امید زندگی 

اولام هایاندا وارهوس ، اوباغچا باغووه  وطن

بیرعمری ایچمیشم سنون ، سویون بولاغدا چشمه ده

قالوبدی کوزه حسرتی ، قوری بولاغووه  وطن

وطن وطندی فرقی یوخ ، محبّت اولسا آج یا توخ

امید و آرزو واریم ، یانان چراغووه  وطن

شهیددی کیمسه نین قانی ، سنون یولوندا گرآخا

بو دِین آغیردی من نجه ، چیخیم  قباقووه  وطن

سالوبدی آیریلیق بیزیم ، آرایه  گر اوزاقلیقی 

غلام خانه زادییم ، قوجا ، اوشاقووه  وطن

بو آیریلیقدی ، جبریدی ، فلک بونا رضا اولوب 

ئولومده دوتسا دامنیم ، گللم  سُراغووه  وطن

نئدیم کی چاره قالمیوب ، بو آیریلیقدا سّر وار

یانوب الولانوب گرک ، دؤزم فراقووه  وطن

هاچان بوراخدی دامه نون ، بوغفلت اللریم منیم

اورک دویر بو سینه ده ، گله قوجاقووه  وطن

بوخیرداجا اورکده چوخ ، بویوکدی دردی« رایتین»

بیرآز اگیل گَتور دئیوم ، یاواش گولاغووه  وطن




طبقه بندی: شعر ی از رایت عبادی منامن،
برچسب های منامن: شعر، شعر منامن، شعری از رایت عبادی منامن، شعر اردبیل، شعرخلخال، شعرهشجین، شعرمنامین،
دنبالک ها: منامن،

تاریخ : یکشنبه 9 آذر 1393 | 12:11 ق.ظ | منامن نویسنده : مرتضی غلامی منامن | نظرات

بیر گون یولوم دوشــدی مزارستانا/ائله حسّ ایلدیم دوران یاتبــــــــــــــــــــــــــــدی

گوردوم انسانلاری سسیز صداسیز/بیلدیم دَن قورتاریب درمان یاتبــــــــــــــــــــــدی 

سویکَه دیم بیر داشـــــا ناتوان دیزی/ زیارت ایلدیم آخر ائومیـــــــــــــــــــــــــــــــــزی 

گوردوم دار قبیرده ظالـــــــــم چنگیزی/ائلییب دنیانی ویران یاتبـــــــــــــــــــــــــــــدی 

ایستدیم قایدام آیاق دایانـــــــــــــــدی/باخدیم بیر قبیره اوره گیم یانـــــــــــــــــــــدی 

دنیانی ترک ائدیب بیر آز زمانــــــــــــدی/یار وصلین گورممیش جوان یاتبــــــــــــــــدی 

                   حیرصدن دیشلریم بیربیرین یئـــــــــدی/گوزوم گاه آغلادی گاه گولومسه دی

داشین اوستوند کی یازیلار دئـــــــــــــدی/  شاعر، هاستا یئری انسان یاتبـــــــــــدی 

القــــــــانا بویادی دیشیم دوداقــــــــــــــی/ هر ندن چتیندی اولاد فراقـــــــــــــــــــــی 

گـــــــــــوردوم بیر قبیرده خیردا اوشـــــــاقی/آناسینان اوزاق گریان یاتبــــــــــــــــــــدی 

اویمـــــــــــــــــا بو دنیانین پیس مرامنـــــــــــا/دنیا سلیمانلار چکمیش کامینـــــــــــــــا 

یولچـــــــــــــــی طعنه ورور شاه مقامنـــــــــــا/ آقادان یوخاری چوبان یاتبــــــــــــــــدی 

اوردا هیتــــــــــــــلر دوروب جنایت ائتمـــــــــــــز/یولداش یولداشیا خیانت ائتمـــــــــــــز 

یوخسولوخ بیر کســـــــــــــی خجالت ائتمـــــــــز/توپراق ایچینده هامی یکسان یاتبـدی 

توپراق آلتینــــــــــــــــــــــدا اره ییب بــــــــــــــــدن/ گلدیگیم ندندی؟ گئتدیگیم نـــــــدن؟ 

بیریسی تابمـــــــــــــــــــــــایپ اوچ قارچ کفـــــــــن/قرانلق مکاندا عریان یاتبـــــــــــــدی 

اوردا نـــــــــــــــــــــــه جلاد وار نه دار آغــــــــــــاجی/قارداشین تانمور اوردا خان باجـــی 

دونوب یار یارینا باخمـــــــــــــــــــــور قیقاجـــــــــــــــی/اَداسیز عشوه سیز جیران یاتبدی

 تپراق آلتدا گـــــــــــــــــــــــــــــوردوم من آیرلمـــــــازی/گلیب گئتمگینه حیران یاتبــــــدی




طبقه بندی: شعر های زیبای اسماعیل حکمتی منامن ،
برچسب های منامن: شعر منامن، شعر، شعر هشجین، شعرحلحال، شعرمنامین، شعراردبیل، مرتضی غلامی منامن،
دنبالک ها: منامین،

تاریخ : پنجشنبه 3 مهر 1393 | 12:56 ق.ظ | منامن نویسنده : مرتضی غلامی منامن | نظرات
.: Weblog Themes By M a h S k i n:.