دومان چوکیب کندی گوزدن ایتیریب 
پاییز دونوب قیش هواسی یتیریب یواش یواش قار ی کنده گتیریب 

نه داغ واردی نه داش واردی نه دره نه گل واردی نه اوت واردی گویه ره نهار چاغی یاغیش دوشدی شیر هاشیر 
سویونمک دن اوشاق چولده اویناشیر گاه دیوارا گاه قاپیا دیر ماشیر کئچن گونلر بیر بیر یادا 

دوشوللر ال آیاقیم اوشاقلانیب اوشوللر گون باتیبدی ایندی ایتلر سسله نیر قارداشیمین توکلری چوخ بیزله نیر قورخوسوندان اونون قلبی گیزله نیر او گونلریم کاش دوباره تاپیلسین تندیرلرده بیرده چورک یاپیلسین آغشام چاغی منه چورگ گتدیلر بو مهربان محبتلی کتدیلر زنگ ویریلیب اوشاقلارداگئتدیلر پنجه کشی گوردوم قلبیم اوینادی شیرین گونلر گوزلریمده آینادی کاش دوباره دونوب اوشاق اولام من یدّی قارداش ایکی باجی قالام من باجی قارداش بیرده آتام آنام ،من سس دوشه ائو تیتره یه دام اوینایا اوندا گله ننه م الینده پایا اولوشگه میش آلمانی توپ ایله یک قیش گئجه سی قورقا قوویریب ییه ک حلقه ویراق ناغیل تاپماجا دیه ک شاهیم شاهیم من بیر اوغرو توتموشام نه اوغروسی ، قویون اوغروسی پاشام بیرا هارا منیم کندیم هاردادی وطن وطن دئییر قلبیم داردادی آرزیلاریم بیربیر باتیب قاردادی اوزاخلیقین ریشه سی کاش یانیدی محبتی کاش انسانلار قانیدی کاش دونیا کاغاذ اوسته اولیدی کاغاذ اوسته اشتباهی دولیدی گول سولسادا کاغاذ اوسته سولیدی من اونلاری پوزیب تزدن چکیدیم دنیانین یئرینه بیر باغ اکیدیم



تاریخ : یکشنبه 12 اسفند 1397 | 08:42 ب.ظ | نویسنده : مرتضی غلامی منامن | نظرات
تاریخ : پنجشنبه 9 اسفند 1397 | 04:13 ب.ظ | نویسنده : مرتضی غلامی منامن | نظرات